سؤال صريح للشباب والبنات

بدايه الموضوع جاد وأتمني ان اعرف رأي الجميع
لانه موجود في حياتنا التي نعيش فيها
ولاني رايت العديد من الاشخاص يسالون نفس السؤال
فأحببت ان اطرحه عليكم
لعل الله يجعل في ردودكم اجابه شافيه لمن سألني هذا السؤال

احببت معرفه آرائكم واكيد كل انسان له رائيه الشخصي
بدوووووووووون اي تذويق احب اعرف رأيكم وبصراحه

سؤالي هو.....

للشباب........


هل تتزوج فتاه كانت بينكما علاقه سابقه.........

اقصد........

(هل تتزوج فتاه كنت معها بعلاقه سابقه عن طريق مكالمات او مقابله وتطورت
الامور الى حب.....)



هل مفهومك لشرف البنت ان لاتمسها جسديا فقط ؟؟

ام ان كل كلمه وحرف محسوب عليها ويمسها بصميم شرفها وكرامتها ؟؟؟

وهل الرجل الذى يغازل البنت لو اتت اليه اخته وقالت له بانها تحب فلان من الناس

حبا شريفا طاهرا وليس دنيئا كما يتصرف بعض الشباب والبنات هل يتقبل منها ذلك؟؟؟

للبنات..........
(هل تتزوجين شاب كنتي معه بعلاقه سابقه عن طريق مكالمات او مقابله وتطورت
الامور الى حب.....)
هل اذا اتى شخص لخطبتك غيره توافقين او تنتظرين حبيبك ليأتي لخطبتك....

واختلاف الاراء لا يفسد للود قضيه ..
ارجوا من الجميع ابداء رأيه وبكل صراااحه من غير مجامله.............

للبنات....
بجد يامحمد طرح هاااااااايل ومبدع منك
وهيه دى طبيعتك

اولا:انا هقول رأيى الشخصى:المفروض انى البنت تراعى ربنا فى كل تصرفاتها
يعنى متسمحش لنفسها انها تحب غير زوجها لانى ياجماعة البنت اللى بتعمل علاقة
مع شاب وتفضل تحبه ممكن فى الآخر ميكنش من نصيبها وبكده مش هتلاقى مكان لزوجها عشان تحبه ومش هتحس بطعم السعادة والله ياجماعة الكلام ده حقيقى
والاسلام دايما فى صالح المراة وكل ده عشان يحفظ كرامتها والواحدة ياجماعة لو حبت واحد ده مش حرام بس اهم حاجة ميكنش فيه علاقة لانى المشاعر مش بايدينا بس هيه تدعى ربنا انى يوفق بينهم فى الحلال واكيد ربنا هيعمل اللى فيه الخير ليها
ولازم نرضى باللى ربنا قسمه لينا عشان ترتاح قلوبنا.

معلش يامحمد نسيت حاجة
ده كان رأيى الشخصى
اما بقه لو فيه واحدة فى المشكلة دى
(هل تتزوجين شاب كنتي معه بعلاقه سابقه عن طريق مكالمات او مقابله وتطورت
الامور الى حب.....)
اولا البنت بتكون دايما مشاعرها صادقة غير الولد اللى ممكن يكون بيتسلى وبعد كده يرجع يقول انا مااخدش واحدة مشيت معاها قبل كده بالزمة مش ده حرام
واكيد هيه بتتمنى انى يكون زوجها المستقبلى لانى المراة تحب ضعف حب الرجل
هل اذا اتى شخص لخطبتك غيره توافقين او تنتظرين حبيبك ليأتي لخطبتك....
اكيد اى واحدة فى الموقف ده هتستنى حبيبها وعمرها ما هتوافق على اى حد بس هيه لازم تضغط على اللى بتحبه وتخليه يتقدملها رسمى عشان يثبت حبه ولو رفض لازم تسيبه لانى هوه اكيد كان بيضيع وقته وفى الاول والآخر محدش بياخد غير نصيبه اللى اختاره ربنا.واخيراااااا الاختلاف فى الرأى لا يفسد للود قضية

اولا تسلم ايدك على الطرح المميز لان العادات دى موجوده وان شاء الله هتتغير لو كل بنت حاولت تحافظ على شرفها
وبعدين يا محمد سامحنى انا مش ممكن اتجوز انسانه كنت معها على علاقه فى السابق لانها محاولتش تحافظ على نفسها قبل كده معايا واكيد ده ممكن يتكرر منها وربنا يسترنا فى الدنيا والاخره ويجعلنا من عباده الصالحين

تسلم يا محمد

ميرو نورتيني بمشاركتك الجميله
مستر تحياتي لك كلامك جميل ورايي من رئيك