لمن تقول الجملة دى

من طرف **اميرة البحور** الخميس أغسطس 19, 2010 3:24 am

يارب يامستر الله يكرمك
ويارب ما يحرمك من اى حد بتحبه
نور/والله ده نورك ياقمر
وانا بقول روحى مشتقالك لماما وبابا اصلهم سافروا عمرة وربنا يرجعهم بالسلامة وعقبال باقى الاعضاء
الجملة(يارب تكون بخير)

من طرف **نور** الخميس أغسطس 19, 2010 4:29 am

يا رب يرجعولك بالف سلامة يا اميرة
واالف مبروك ع العمرة عقبال الحج يا رب

(يارب تكون بخير)
اقولها لحد غالى علية سافر امبارح ومش عارفه عنة اى حاجة يا رب يطمنى عليه

(متبعدتش عنى تانى )

من طرف **اميرة البحور** الخميس أغسطس 19, 2010 5:32 am

الله يبارك فيكى يانور وعقبالك ياحببتى
ويارب تطمنى على اى حد بعيد عنك
وانا بقول متبعدش تانى لواحدة صحبتى بعدنا عن بعض شوية والحمد لله رجعنا
الجملة(وحشتنى مووووووووت)

من طرف **نور** الخميس أغسطس 19, 2010 8:12 pm

ربنا ما يحرمكوا من بعض ابدا يا اميرة
(وحشتنى مووووووووت)
لحد بجد وحشنى اوى وهو غايب عنى دلوقتى
يا رب يطمنى عليه

(طمنى عليك)

من طرف **اميرة البحور** الجمعة أغسطس 20, 2010 3:42 am

الله يخليكى يانور
ويارب تطمنى على كل اللى بتحبيهم
وانا بقول طمنى عليك لبنت عمى اللى بحبها موووووووووت
الجملة(اتمنالك الخير والسعادة وكل حاجة حلوة)

من طرف **نور** الجمعة أغسطس 20, 2010 8:14 am

ربنا يطمنك عليها يا رب
ويخليكوا لبعض
يا اميرة

(اتمنالك الخير والسعادة وكل حاجة حلوة)
لحد موجود فى حياتى ويا رب اشوفة دايما سعيد

(الدنيا وحشة اوى من غيرك )

من طرف **MR_Mahmoud** الإثنين أغسطس 23, 2010 6:23 pm

الدنيا وحشه من غيرك لاغلى انسانه عندى
لما تبعد ومعرفش اى حاجه عنها ويارب تكون جنبى على طول

( نفسى احبك من البدايه )

نور يارب ما يحرمك من اى حد بتحبيه
وانت يامستر حمد الله على السلامة والله منورنا
وياريت متغبش عن المنتدى تانى
وانا بقول نفسى احبك من البداية لنفسى لانى نفسى ارجع احبها وافهمها كويس
الجملة(القلب اللى حبك عمره ما ينساك)

من طرف **نور** الثلاثاء أغسطس 24, 2010 7:02 am

يا رب يا اميرة ترجعى لنفسك
وتحبيها من الاول

محمود
حمدلا ع السلامة
ومتغبشى تانى علينا لانك بتوحشنا اوى

(بكل لغات العالم انا بحبك )

من طرف **MR_Mahmoud** الثلاثاء أغسطس 24, 2010 7:07 am

اسف يا جماعه بس كان معايا ظروف ربنا يبعدكم عنها يارب
بكل لغات العالم بحبك لمن سكنت قلبى بحبها وبتمنى انى اسعدها على اد سعادتى بيها جنبى

( ماليش غيرك )

من طرف **نور** الخميس أغسطس 26, 2010 3:11 pm

يا رب خير يا محمود

ويا رب يقويك وتسعدها يا رب

( ماليش غيرك )

لمن سكن قلبى

(اهواك )

الحوار ساخن هنا جميل جدا الكلام دا
( اهواك )
لمن سكن قلبى
الجملة
( عمرى فداك )

من طرف **MR_Mahmoud** الأربعاء سبتمبر 01, 2010 4:27 am

نورت التوبك ياعم المختفى
عمرى فداك وكل حياتى لاغلى انسانه عندى

( كانت ايام )

(كانت أيام) الجملة دى بقولها لنفسى لانها بجد عاشت احساس جميل
بس الحمد لله الايام راحت لحالها
الجملة (ياأرق وأجمل ملاك)

من طرف **MR_Mahmoud** الأربعاء سبتمبر 01, 2010 4:47 am

ممكن اعرف ازاى بتحمدى ربنا على انها عدت المفروض تتمنى انها ترجع على العموم ربنا يسعدك
ارق واجمل ملاك بالنسبه ليا كل حاجه فى الدنيا

( كان بينا حب )

انا بحمد ربنا يامستر لانى ربنا هوه اللى بيعرفنا حقيقة الانسان
مهما كانت الاقنعة اللى لابسها لانى اهم حاجة الاخلاص والصدق
بس الاحساس اللى كان جوايا هوه بس اللى كان جميل والحمد لله
على كل حال وربنا يسعدك انت يارب
(كان بينا حب)بردو لحاجة كانت فى نفسى
الجملة(أيامى بيك)

اشطى الكلام سخن وعجبتنى الفكرة دى وانا هشترك معاكم فيها ..
( ايامى بيك )
للانسانه اللى اتمنيتها
الجملة ( مقدرش اعيش من غيرك )

بجد ياحابى هتنور الموضوع
وشكلك انت كده هتسخنه ويارب يحقق امنيتك
انا بقول مقدرش اعيش من غيرك لماما حبببتى اللى منورة دنيتى
الجملة (يعطيك العافية)

من طرف **MR_Mahmoud** الجمعة سبتمبر 03, 2010 7:23 am

يارب يا اميره البحور وربنا ما يحرمنا كلنا من ست الحبايب
يعطيك العافيه هقولها لاخويا ربنا يخليه ليا وما يحرمنى منه

( ذكرى جميله )

من طرف **Mohamed** الجمعة سبتمبر 03, 2010 7:44 am

الله الله ايه الحلاوه دي
كل ده حصل امتي بس كده تسبوني اجي في الاخر
المهم
ذكري جميله الايام اللي قضيتها مع صاحبي وحبيبي
(علي بالي حبيبي)

ايه ده كمان انت هتنورنا يامحمد
ده الموضوع هيسخن قووووى
وربنا يارب يخليلك صاحبك وميحرمكمش من بعض
والصورة طلعت بجد مش متفبركة يابختك ياعم
بس هيه خدت وقت معاك عشان تظهر انا شاكة فيك
وانا بقول على بالى حبيبى للانسان اللى ان شاء الله هيكون زوجى المستقبلى بس
انتوا ادعولى والاقيه
الجملة(ربنا يقدرنى واردلك جميلك)

من طرف **MR_Mahmoud** الجمعة سبتمبر 03, 2010 8:34 am

ان شاء الله تلاقيه يا اميره البحور وانتى انسانه محترمه وشخصيه جميله واكيد هتلاقى الانسان الا يقدر يفهمك ويسعدك
ــــــ ربنا يقدرنى واردلك جميلك لصديقى وابن خالتى لانه دايما بيقف جنبى ربنا ما يحرمنى منه

( حلم صعب يتحقق )

من طرف **اميرة البحور** السبت سبتمبر 04, 2010 4:37 am

الله يخليك يامستر بصراحة انت انسان ذوووووووق خاااااااالص
وبجد بجد انسان راااااائع وربنا ميحرمكش من ابن خالتك
وانا بقول حلم صعب يتحقق لكل المواصفات اللى انا عايزاها فى شريك حياتى
بس مفيش حاجة بعيدة عن ربنا
الجملة(ربنا يخليك ليا)

من طرف **MR_Mahmoud** السبت سبتمبر 04, 2010 6:12 am

ان شاء الله احلامك تحقق بس انتى كده اكيد عاوزه ملاك هههههه
ـــــــــــ ربنا يخليك ليا هقولها لصديقى طبعا ربنا ما يفرقنا عن بعض

( بحاول انسا )

من طرف **اميرة البحور** السبت سبتمبر 04, 2010 6:23 am

ملاك هههههههه
لا ابدا مش للدرجة دى يامستر
بس المشكلة انه صعب تلاقى حد كويس فى الايام دى وكمان مش لابس اقنعة
وربنا يخليكوا لبعض انت وصاحبك
وانا بقول بحاول انسا ايام كانت اختى بتعدى فيها بظروف صعبة
بس يارب يكرمها هيه والايام تنسيها ويعوضها خير يااااااااااااارب
الجملة(مقدرش اشوف دموعك)

لمن تقول الجملة دى