لو كنت مصري تحب تموت إزاي؟؟؟؟

لو كنت مصري

عايز تموت إزاي ؟

عاوز تموت شهيد

يا تركب قطر
يا تركب عباره
ياتركب طياره

عاوز تموت م الجوع


ياتشترى شقه بالقسط
ياتشترى عربيه بالقسط
يا تدخل عيالك مدرسة خاصة

عاوز تموت م الحسره

ياتتفرج ع الفاترينات فى ستى ستارز
ياتروح زياره لمارينا

عاوز تموت م الغيظ

ياتتفرج ع القنوات المحليه
ياتتفرج ع النشره الجويه

عاوز تموت م الزهق

ياتستنى الإشاره لما تفتح
ياتستنى دورك فى التأمين الصحى
ياتستنى دورك فى الفرن


عاوز تموت م الهبل

يا تسمع تصريحات المسئولين بعد كل كارثة
يا تتفرج على برامج المسابقات


عاوز تموت مخنوق


ياتروح مصلحه حكوميه
يا تقرا الجريده اليوميه


عاوز تموت م الخضة


يا تركب ميكروباص
يا تعدى الشارع على رجليك

عاوز تموت مفروووس

ياتقف تستنى تاكسى
ياتركب الترام

عاوز تموت مرعوووووب

ياتستنى نتيجه الثانويه العامه
ياتستنى نتيجه التحاليل عند الدكتور

عاوز تموت مشهور

ياتتجوز رقاصه
ياتنصب على بنك

عاوز تموت مليونير

ياتعمل فيديو كليب
ياتلعب كوره

عاوز تموت ورا الشمس

ياتشغل مخك
ياتفتح بؤك

عاوز تموت م الحزن

ياتحط الحكومه ف بالك
يا تشجع الزمالك

عاوز تموت م الضحك

يا تسمع تصريحات وزارة الصحة و التعليم
يا تروح تتطعم من أنفلوانزا الخنازير

عاوز تموت ف حالك

أعمل نفسك دايما....مش واخد بالك

هههههههههههههههههههههههههههههههه
عسل ياد يا محمد تسلم ايدك

تقبل مرورى

نورتني يا جميل
وربنا يخليك ليا وللمنتدي

جميل قووووووووووووووى يامحمد
بس حرام عليك كده برضه مصر ام الدنيا
وفيها حاجات حلوة كتييييييييييييييييير

ههههههههههههههههههههههه
ماشي ميرسي علي ردك