مش عــــــارف

من طرف الجنرال والحب السبت مايو 01, 2010 8:18 pm

مش عارف

تصدق لو قولت رغم بعدك وقسوتك وجفاك ،، نفسي أترمي في حضنك وأبوس جبينك وأقول مليون بحبك ومليون بهواك ،، مش عارف ..! مش عارف ليه كل ما أقول لازم ابعد ،، ده مش عشاني ده بيعند ده أناني ،، شيء غريب يشدني لك من تاني ،، يحاول يرجعني وارجع ويصبرني وأصبر وبصبر وأحاول أدوس على نفسي وأستحمل ،، كم مره قولتها ورجعت فيها ،، وعلى لساني من وقتها ،، أبعد ..؟ لا مش هبعد ،، أهرب مش لاقي مهرب بحبك ومش قادر ،، بحاول أتعود ،، بتلخبط كل اللي عملته في لحظه وتيجي من تاني وتسألني بتحبني ...؟ أيوه بحبك بس بجد بجد مش قادر ،، مش عارف أقرر كل يوم بحس انك بتتغير ،، أكمل مشواري معاك ..؟ ،، ولا انسحب من حياتك من ماضيك من ذكرياتك ،، ألملم روحي وأداوي جروحي وأطيب نفسي وأنسى ،، صدقني مش عارف أوصف حياتي معاك ،، أقول سعيد طيب أذاي وأنا محروم من الابتسامة ذي طفل محروم من لبس العيد ،، دمعته في عيونه لا راضيه تجف ولا راضيه تنزل ،، ياخي جوايه حب لك كل ما ييجي في بالي بحس إن الكون بيتزلزل ،، أذاي عايزني أكمل وأذاي أنا عايز ابعد ،، أحياناً بحس أن اللي زيي في الدنيا دي نادر ،، وأحياناً بحس إني ولا شيء ،، وأدي الأمارة واقف قدام حبك عاجز ومش قادر ،،اعمل أي شيء ؟،، بحبك حب ما يتوصف بحبك لدرجه أنا عن نفسي من نفسي بتكسف وهبت نفسي علشانك ،، بحلفك خليك مره مكاني وحطني أنا مكانك مأظنش إني أشوفك بتترجاني ،، عارف ليه ..؟ لأنك حبيبي والمحبوب حنون ،، ياخي أقسم بربي بحبك حب لدرجه الجنون ،، لدرجه إني لما أبص لحالي ابكي وضحك ذي المجنون ،، ولكني مش عارف اعمل أيه ومش لاقي حل للي أنا فيه ولا عارف آخرة عذابي دي أيه مش عارف ...