ذكري مؤلمه

بسم الله الرحمن الرحيم
اعضاء منتداي منتدي مملكه الحب والرومانسيه
اهلا وسهلا بكم اجمعين ويارب تكونو بخير ديما
بمناسبه افتتاح القسم الجميل ده
حبيت اكون اول من يضع اول ذكري في القسم ده
هي حادثه شخصيه ليا
تدور احداث قصتي كالتالي
في يوم من الايام وساعه من الساعات كنت مسافر انا و والدي الي القاهره وكانت دي اول سفريه ليا
اللي القاهره وكان عندي 10 سنين يعني في رابعه ابتدائي
المهم كنا مقيمين عند عمي وزي كل يوم كنت اصحي انا ووالدي علشان بيفسحني ويوريني
مصر اليوم ده طلعين عادي زي كل يوم الصبح بدري بنعدي الشارع عدينا الطريق الاول
بسلامه وجيين نعدي الطريق التاني المخالف للطريق اللي قبله
كان في اتوبيس ماشي مخالف وطبعا بسبب الزحمه كنا مش متوقعين وجود اتوبيس مخالف فأول مبتدينا
نعدي وفجأه ابويا شاف الاتوبيس المخالف ومكنش في وقت نرجع يعني لبسين لبسين لا محاله
المهم انا اللي كنت في صداره الاتوبيس ووالدي بعدي لكن حصلت حاجه بسرعه بانت تضحيه
الاب لابنائه فجأه راح والدي يبعدني عن الحادثه فمسكني وبيلفني لنحيه التانيه كان هينجح
بس القدر شاء اننا نعمل حادثه بس اللي حصل والدي هوه اللي بقي في الصداره وانا بعده
الحمد الله علي كل حال عملنا الحادثه والسواق جزاه الله كل خير فلت
المهم واحد عمل حادثه مستنين منه ايه اكيد اغمي عليا ههههه
الحادث صح كان في مدينه اسبيكو السلام
الناس جزاهم الله كل خير ودونا المستشفي علي ما اعتقد كانت مستشفي السلام لو تعرفوها
مفقتش انا اللي علي الكتور هوه وبيعملي الغرز
فقعت افرفط فدوني بنج ونوموني ولاد الايه هههههههه
لقيت وشي طبعا متشلفط ومتبهدل
الحمد لله انا قمت بسرعه من الوكسه دي وكانت اصاباتي بسيطه المهم انا والدي عمل ايه
انا شفت وشو سليم والحد لله قلت خير لكن كان ممدد علي السرير
المهم قال للدكاتره اللي هناك مش عارف اتنفس فقعدو يسألو انت بتشرب سجاير فيرد ويقول لا
المهم معرفوش السبب ازاي معرفش
المهم راح ابويا باعت فاكس وطلب تحويله لمستشفي عين شمس
لان ابويا كان هيموت مش عارف يتنفس الدكاتره هناك اكتشفو ان في عظمه في جنبه اليسار
مكسور بسبب الحادث والكسر ده سبب انه حصل نزيف في صدره اللي مخليه مش قادر يتنفس
الدكاتره بسرعه فتحوله حته من جنبه اليسار وقعدو يفضو الدم الملوث اللي في صدره
امي كانت متعرفش اي حاجه لحد دلوقتي لانها كانت في اسوان وقرايبي محدش قلها علشان متقلقش
طبعا كانت المستشفي مليانه بقرايبي من عمامي وخلاني وجدودي
بصراحه كان بالنسبالي شعور جميل لما تلاقي الكل حوليك وخايف عليك
المهم امي عرفت والكل كان بيبكي في اسوان امي ضغطو عليها انها متجيش وقلولها ان كل حاجه تمام
وعلشان متقلقش قالو يبعتولها ابنها الولد الاكبر اللي هوه انا ههههههه
لاني في الوقت دي كنت تمام بمشي عادي بس كانت الشحوره لسه موجوده وسلك العرز برده
وابويا قعد علشان كانت حالته اصعب مني ربنا يخلهولي يارب ويحفظه من اي سؤ
المهم لمولي شنطتي وسافرت من القاهره لاسوان ارض الوطن وكان معايا خالي
قبل ماسافر رحت المستشفي علشان اسلم علي ابويا واودعه
بصراحه اول ماشفته مقدرتش استحمل الل كان هوه فيه وانا برده بس هوه اكتر
فمقدرتش اسلم عليه اول ماشفته وقعدت ابكي خلاص بقي وصلت اسوان اول ما وصلت تحت
العماره اللي كنت ساكن فيها لقيت امي واقفه في البلكونه منتظراني واول ماشفتني من بعيد
نزلت جري فراحت حضناني وقعدت تبكي
واخواتي وراها علطول نزلوووووو
سلمت عليهم كلهم وكانو واحشني قوي وحسيت بعديها اني في امان
بس بعديها بفتره ابويا قام علي رجليه والحمد لله وصل اسوان بعد مخف
مفتكرش اي حاجه بعدها
غير كانت احلي حاجه ان المدارس كانت شغاله وبما اني كنت بقدر امشي واتحرك
بس كانو منعين عني الكلام الكتير لاني الغرز كانت تحت الشفه علطول ومتصله بيها
المهم ودوني المدرسه وكانت احلي حاجه اني مكنتش بضرب لو محلتش الواجب
ولا حت بجاوب لما المدرس يسأل سؤال
والحادثه جات في صالحي لاني السنه دي كانت في مدرسه ليها علامه وحشه مع كل طالب
العصايه مبتفارقش ايدها وغير الزعيق
انا بقي كنت غير باقي الطلاب كانت احلي ابلي بالنسبالي اتعاملت معاها ربنا يمسيها بالخير
وعدت سنين وبقيت تمام خالص بفضل الله
الحمد لله وربنا يارب ميوريكم حوادث تاني
سلااااااااااااااااااااام